دخلت عليه العنايه دخلت عليه العنايه س ١١ م اول ما شافني قالي اتاخرت عليا ليه انا مستنيك من زمان قلتله لسه عارف حالا والله قالي طيب يالله تعالي بسرعه وشاور علي ودنه وقال لقني الشهاده قلتله انت زي الفل يا علاء وحتروٌح معانا كمان شويه باذن الله قالي لقني بسرعه مفيش وقت اتلخبطت ومابقتش عارف اعمل ايه قربت من ودنه وقلتله قول ورايا اشهد ان لا اله الا الله واشهد ان محمدا رسول الله
قالها وهو متمكن منها قلتله صليت العشا قالي اه قلتله ايه رايك تصلي ركعتين بنية التوبه قال وضيني وضينه وصلي ركعتين وقعد يستغفر قالي حيسألوني علي ايه في القـــ,پر قلتله ماتخافش يا علاء صلاتك في المسجد وحرصك علي الصف الاول وقراءتك للقرآن حيشفعلك وحيخليك تنجح في الامتحان
وفضلت ساعتين اردد ذكر واستغفار وهو يردد ورايا قلتله اسيبك تريح شويه قالي لا انا عايزك تكون اخر حد اشوفه قبل ما اموت بعدها دخل في غيبوبه والله صوابعه عماله تسبح وهو في الغيبوبه وكل لما يفوق ثواني ويحس اني جنبه يمسك ايدي ويحطها علي ودنه وكأنه بيقولي لقني الشهاده فألقنه فيسيب ايدي والله يا علاء انا شفت كتير بس ما شفتش حسن خاتمه زي بتاعتك دي ابدا
صدق من قال من عاش علي شيء ماټ عليه فقد عشت علي الذكر وقد مت عليه يا حبيبي
